Dëst huet mech dozou beweegt dat folgend Experiment ze maachen:

Ech weess wou s de waars! Oder net?

Am folgende stinn e puer vu mir aus der Lëscht vun de laut Alexa Top 200 Siten mat enger lëtzebuerger Domaine (.lu). Et ass net déi komplett Lëscht an ech hunn een Deel ewech gelooss well ech net der Meenung (subjektiv) war dass se wierklech sou héisch an der Lëscht dierfte sinn.

Un Hand vum Verlaf vun dengem Browser an e puer Zeile CSS probéieren ech eraus zefannen op wéienge vun dëse Siten s de scho waars.

Mee keng Angscht just du gesäis et, et gi keng Informatiounen u mech zeréck geschéckt. Wann ech dat wéilt häett ech op eng ähnlech Aart a Weis dozou d’Méiglechkeet ouni dass de et (als normalen Internet-Notzer) iwwerhaapt géifs matkréien .

Ech hunn net wierklech vill Aarbecht an d’Presentatioun gestach, well et mer haaptsächlech drëm geet ze weise wat méiglech ass.

Méiglech ass et och méi speziell Säiten ze testen, z.B. kéint ech kucken op s de op Facebook d’Grupp “For a Facebook in Luxembourgish – Fir een Facebook op Lëtzebuergesch” besicht hues:

Ännerung: (Well den Opbau vun der Facebook-URL duerch zesumme-pechen vun verschiddenen Informatiounen erstallt gëtt, ass et méiglech dass net bei jidderengem deen dës Grupp besicht huet de Code dat och erausfënnt.)

Mee komme mer zeréck bei d’Lëscht vun de Lëtzebuergesche Siten:

Falls alles op “Net besicht” steet hues de entweder kee vun de Siten besicht, oder du hues nodeems de drop wars däin Surf-Verlaf geläscht. Falls weder dat eent nach dat anert sollt zoutreffen, dann hu mer e Problem an ech wier frou wann s de mir dat géifs matdeelen

Déi aktuell stabil Versioun vum K2 ass 1.0.3, an fir dës Versioun ass och meng läscht Iwwersetzung.
Soubal de Release vun der nächster Versioun (wat Versioun 1.1 misst sinn) ugekënnegt gëtt wäert ech d’Iwwersetzung upassen.
D’.mo an .po Dateien fannt der am Google Code Verzeechnis vum K2 ënnert http://code.google.com/p/kaytwo-i18n/source/browse/#svn/tags/1.0.3/lb_LU

D’.po Datei brauch der nëmmen falls der meng Iwwersetzung verännere wëllt ( wat ech natierlech net hoffen )

D’.mo Datei muss der an den Dossier /wp-content/themes/k2/languages/ setzen.

Wéi schon beim Lëtzebuergeschen Datum fir WordPress (deen der extra musst installéieren, soss hutt der trotz Lëtzebuergeschem Text awer nach den engleschen Datum) muss dir nach folgendes maachen:

An der ‘wp-config.php’ Datei déi am Haaptdossier vum Blog leit ännert een folgend Zeil:
define ('WPLANG', '');
an
define ('WPLANG', 'lb_LU');

Falls dir, wat ech iech uroden, den Datum och per *.mo wëllt automatesch änneren, dann gëllt déi Ännerung lo grad fir déi zwou *.mo Dateien.

Als läscht bleift elo nach am Administratioun Interface vun ärem Blog ënnert
Appearance -> K2 Optiounen
am Abschnitt “Bäitrag publizéieren” d’Top Meta ze änneren.

Ech hunn do z.B. Publizéiert um %date% an %categories%. %comments% %tags% stoen.
Dëst féiert dozou dass ënnert dem Titel vum Bäitrag d’Zeil:
“Publizéiert um Méindeg, 7 Juni, 2010 an Informatik an Lëtzebuerg. 0 Kommentaren Tagen:I18n, Informatik, Internationaliséierung, Internet, Lëtzebuerg, personaliséieren, WordPress.” stoe kënnt.

Ech wier natierlech frou wann dir mir sot falls dir dës Iwwersetzung op ärem Blog benotzt.

Bis lo leeft d’Iwwersetzung op:

• blog.wenkin.lu ( dëse Blog … wien hätt et gewonnert )
• spellchecker.lu
• marc-spautz.lu
• enger ganzer Rei vu Blogen vun den CSV Sektiounen

Mat dësem Bäitrag wëll ech d’Aktioun vu spellchecker.lu ënnerstëtzen, déi drop ausgeluecht ass fir alle Firefox Benotzer de Korrektur-Plugin un d’Häerz ze leeën.

Falls och dir dës Aktioun ënnerstëtze wëllt, kënnt dir dat mat dësem Code:

<a href="http://spellchecker.lu/wp-content/plugins/wp-adserve/adclick.php?id=3" target="_blank"><img alt="" src="http://spellchecker.lu/wp-content/uploads/banner_facebook468x60.png" width="468" height="60" /></a>

Fir de Banner als Signatur an engem Forum ze huelen, kënnt dir eventuell (hänkt vun den Astellungen vum Forum of) dat folgend benotzen:

[URL=http://spellchecker.lu/wp-content/plugins/wp-adserve/adclick.php?id=3][IMG]http://spellchecker.lu/wp-content/uploads/banner_facebook468x60.png[/IMG][/URL]

Kuckt och: De Blog Bäitrag op spellchecker.lu

De Skript deen der duerch einfacht uklicken ausféiere kënnt, mécht vu sech aus déi am éischte Bäitrag iwwer d’Orthographiekorrektur am Mac OS X ugi Schrëtter.

Fir d’éischt luet der iech ZIP-Fichier mam Skript erof. Dann entzippt der en wou ëmmer dir en wëllt späicheren. Wann der elo drop klickt gëtt automatesch den Automator opgeruff an dee geet de .dic an .aff Fichier op de spellchecker.lu Server sichen an späichert en am Spelling Dossier.

Ech hu bis elo nach net eraus fonnt wéi een dem Mac ka bäibréngen dass en zu bestëmmten Zäitpunkten automatesch dës Aktioun ausféieren. Wann ee mer do ka weider hëllefen, ech freeë mech iwwer all Hiwäis.

Et ass awer méiglech sech am iCal (dem Mac Kalenner) eng repetitiv Notiz ze maachen, wou een all sou-a-sou vill Deeg drun erënnert gëtt dass en soll Updaten. Dëst awer onofhängeg dovun op et an Zwëschenzäit eng nei Versioun vum Spellchecker gouf.

Den iCal huet souguer d’Méiglechkeet een Link op de Skript unzeweisen, dass een direkt aus dem Kalenner raus kann de Skript opruffen.
Méi einfach geet et jo net

Wéi sou en iCal Astellung kéint aus gesinn, gesitt der hei:

Wann ech (oder soss een) sollt erausfanne wéi een den Update wierklech automatesch maache kann, wäert ech dat hei ukënnegen.

Kuck och den éischte Bäitrag iwwer d’Orthographiekorrektur am Mac OS X
De ZIP-Fichier mam Skript

Fir déi Technik-Interesséiert: Et gëtt vun allen ‘Cocoa‘-Applikatiounen ënnerstëtzt.
Eng ähnlech System-wäit Orthographiekorrektur gëtt et schon fir d’Linux Distributiounen Ubuntu an Debian. Hei besteet am Géigesaz zur Mac-Versioun awer eng automatesch Update-Méiglechkeet.

Ech wëll iech direkt drop hiweisen dass et bis op weideres nach keen automateschen Update heifir gëtt, also bis op weideres no all Update vum spellchecker een Deel vun de Schrëtt nach eng Kéier musse gemaach ginn Ech hunn ee Skript geschriwwen den d’MAC Automator Applikatioun oprifft. Dëse Skript ersetz déi zwee folgend Schrëtt. Den 3. Schrëtt ass souwisou optional. Weider Instruktiounen zum Skript fann der um nächste Bäitrag. Dës Updates gi meeschtens op Facebook Säit an um Twitter ugekënnegt

Fir elo Lëtzebuergesches Korrektur am Mac OS X un d’goen ze kréien, muss der folgend Schrëtt maachen:

1. Dir gitt op http://downloads.spellchecker.lu/source/, liest iech eng Kéier d’Lizenz Bedingungen duerch

   

   a luet iech do déi zwee Fichieren ‘lb_LU.aff‘ a ‘lb-LU.dic‘ op äre Mac OS X.

2. Déi zwee Fichieren zitt der elo an den Dossier Library/Spelling an äre Benotzer Beräich:

   

3. Elo gitt der an d’System Preferenzen, op ‘Language & Text’, do misst der elo am ‘Text’ Tab ënner ‘Spelling’ “Luxembourgish (Library)” fannen.

   

   Mac OS X erkennt normalerweis automatesch wéi eng Sprooch een tippt (pro neiem Abschnëtt, nodeems een e puer Wieder getippt huet). Dëst sou laang een ‘Automatic Language’ ausgewielt huet. sou wäit ech et elo getest hunn ass dëst fir Lëtzebuergesch net de Fall. Dir muss also entweder global an dësem Menü Lëtzebuergesch auswielen, oder jeeweils an all Programm. Wéi dir dat maacht ass iech iwwerlooss, an hänkt dovun of op der vill verschidde Sprooche schreift, oder haaptsächlech eng eenzeg.

Kuck och de nächste Bäitrag

Klenge mee net onwichtegen Zousaz:
Dat hei schéngt nëmmen mam Mac OS X ze goen, an net mat fireschten Versiounen.
D’Eifler Regel (d’Wechfale vum ‘n’ viru bestëmmte Buschtawen) gëtt vum Dictionnaire net verbessert. Heifir muss der weiderhin den Online-Checker oder OpenOffice benotzen.

Dëst huet puer Virdeeler fir Firefox Benotzer:

• Mozilla iwwerpréift all Add-on deen op hirem Site gehost gëtt; also sidd der Sécher dass keen schiedlechen Code an mengen Add-onen verstoppt ass.
• Kritt der (falls et eng Kéier de Fall wier) automatesch een Update vum Add-on.

D’Funktionalitéit vun den Add-onen ass déi selwecht wéi am viregten Blog-Bäitrag beschriwwen.

Dir fannt déi zwee Add-onen um Mozilla Add-ons Site:
Spellchecker.lu Sich
Thesaurus.lu Sich

Wann ech an Zukunft nach aner Add-onen fir Mozilla Programmer sollt schreiwen, da fann der déi op mengem Mozilla Add-ons Account

Fir weider Informatiounen iwwert d’Funktiounsweis vun dësen Add-onen, kuckt d’Beschreiwung op um Mozilla Site, mäin viregten Bäitrag oder de Bäitrag op Spellchecker.lu

Et gëtt en direkt op d’Spellchecker.lu Säit geleet, wou d’Wuert schon ausgefëllt ass, an een och direkt ugewise kritt op et richteg ass.

An engems hunn ech dann nach een ähnlechen Add-on geschriwwen deen no Synonyme sicht. Dëst iwwert déi eventuell net sou bekannten Ënnersäit Thesaurus.lu vum ‘Spellchecker.lu

Fir dës Add-one kënnen ze benotze muss dir op Spellchecker.lu laanscht surfen, an do dat folgend maachen:

Follegt w.e.g. der fir äre Browser ugi Prozedur.

Mozilla Firefox
Internet Explorer
Opera
Google Chrome
Apple Safari

——————————————————————————–

De Mozilla Firefox signaliséiert duerch eng méi donkel Fuerf vum Feil nieft dem Ikon vun der aktueller Sich-Maschinn dass en eng nei Sich-Maschinn fonnt huet muss een op de Feil no ënnen nieft dem Ikon vun der aktueller Sich-Maschinn klicken.
Do missten dann d’Menüpunkten ‘Add “Spellchecker.lu”‘ an ‘Add “Thesaurus.lu”‘ ze gesi sinn.

Wann een do drop klickt gi se automatesch installéiert an och direkt als aktuell Sich-Maschinn gesat

——————————————————————————–

Den Internet Explorer signaliséiert déi nei Sich-Maschinn duerch d’Ännere vun der Fuerf vum Feil. Och hei klickt een op de Feil.

Do missten dann am Menüpunkt ‘Add Search Provider’ “Spellchecker.lu” an “Thesaurus.lu” ze gesi sinn.
Wann een do drop klickt gëtt en nach eng Kéier an engem Popup gefrot op en d’Sich-Maschinn wierklech wëll dobäi sëtzen, an et kann een se un Hand vun enger Checkbox direkt als standard Sich-Maschinn definéieren

——————————————————————————–

Fir Opera gëtt et folgend manuell Méiglechkeet:

Dir gitt an de Menü op: Tools -> Preferences -> [Search] (Add)
(An Tools-> Preferences kënnt een duerch d’Taste-Kombinatioun Ctrl+F12)

Fir de Spellchecker:

Name: Spellchecker.lu
Keyword: s (z.B.)

Hei muss een deemno wéi op “Details &t;>” klicken fir déi folgend Zeil ugewisen ze kréien.

Address: http://spellchecker.lu/?source=browsersearch&cw_word=%s

Use POST: net uklicken

Déi zwou aner Checkboxen no Beléifen un oder aus klicken

Fir den Thesaurus:

Name: Thesaurus.lu
Keyword: t (z.B.)

Hei muss en deemno wéi op “Details >>” klicken fir déi folgend Zeil ugewisen ze kréien.

Address: http://spellchecker.lu/thesaurus/?source=browsersearch&keyword=%s

Use POST: net uklicken

Déi zwou aner Checkboxen no Beléifen un oder aus klicken

——————————————————————————–

Am Google Chrome kann een d’Sich-Maschinn vun der Adress-leescht änneren. Leider huet een hei keng einfach Méiglechkeet tëscht den eenzelne Sich-Maschinnen ëm ze switchen:

Dir gitt an de Menü op: Tools (De Schrauweschlëssel riets uewen) -> Options -> [Basics]

Bei ‘Default search:’ op (Manage) an dono op (Add…) klicken

Heihin kënnt een och direkt duerch Rietsklick an d’Adress-leescht -> Edit search engines…

Fir de Spellchecker:

Name: Spellchecker.lu
Keyword: spellchecker.lu spellchecker
Address: http://spellchecker.lu/?source=browsersearch&cw_word=%s

Fir den Thesaurus:

Name: Thesaurus.lu
Keyword: spellchecker.lu thesaurus
Address: http://spellchecker.lu/thesaurus/?source=browsersearch&keyword=%s

Dann muss een d’agedroen Sich-Maschinn nach uwielen an mat (Make Default) aktivéieren.

——————————————————————————–

Fir Apple Safari gëtt et d’Méiglechkeet iwwert verschidden Add-onen nei Sich-Maschinne bäi ze setzen. Well et hei verschidden Add-one ginn iwwerloossen ech iech selwer raus ze fanne wéi dat geet. D’Adress déi dir musst ugi fann der beim Safari resp. Google Chrome Abschnitt.

An der Statusleescht gëtt et ee Counter deen d’Unzuel vun den nach verbliwwene Kaarten zielt:

Dëse Counter heescht “Kaarte lénks”. Ech hu mech eng Zäit laang gefrot firwat deen sou heescht. D’Spill u sech huet jo 1 Spillfeld an 2 Kéip, do géif et halbwegs Sënn maachen d’Kaarten um lénkse Koup ze zielen. Mee iergendwéi huet dat mech net sou richteg iwwerzeegt.

Bis ech mer lo iwwerluecht hunn wéi se dann op déi Iwwersetzung komm sinn.

“Kaarte lénks” –> “Cards left”? … hm jo da mécht Sënn … woubäi ‘left’ am engleschen zwou verschidden Bedeitungen huet … leider hunn se bei der Iwwersetzung déi falsch erwescht …

Wien ka mer soen wéi de Counter richteg iwwersat misst ginn?

Kuckt och den éischten an zweeten Deel vun ‘Windows Vista op lëtzebuergesch’.

Nodeems ech eng Kéier am Facebook een Opruff gemaach hat op keen eng Léisung parat hätt, krut ech een personaliséierte Tastaturen Layout vum Michel zou geschéckt. Hien huet [$]-Tast benotzt fir am normalen Modus den ‘ë’ an am Shift-Modus den ‘Ë’ ze tippen.

Dëst huet mech awer aus zwee Grënn net iwwerzeegt:

1. Benotzen ech d’$-Symbol och zimlech oft, an dann hätt ech mech fir dat missen ëmgewinnen.
2. Sinn ‘ö’, ‘ä’ an ‘ü’ och nëmmen duerch Shift+[é], Shift+[à] an Shift+[è] ze erreechen. Ö, Ä an Ü kritt een duerch [¨]O, [¨]A resp. [¨]U.

Ënner Berécksichtigung vun dësen zwee Punkten sinn ech zum Schluss komm dass et am logeschsten wier ‘ë’ op Shift+[$] ze leeën an ‘Ë’ op [¨][E].

Dat Ganzt hunn ech mam Microsoft Keyboard Layout Creator gemaach, an et funktionéiert ouni Problem souwuel um Windows Vista wéi och um Windows XP.

Beim schreiwen vun dësen Bäitrag ass mer opgefall dass den Michel mer elo schon e puer mol bei technesch/lëtzebuergeschen Saachen gehollef huet, net ze schwätzen vun sengem Spellchecker, ech wëll him dofir Merci soen.

Wann een um Layout interesséiert ass, an ze Faul et selwer ze probéieren, kann en sech bei mir mellen.