Et ass mer no e puer Ufanks-Schwieregkeeten gegléckt, mä leider koumen dono nach aner Schwieregkeeten.

Opfëllen vun der Kaart ass nach dat einfachst.
Am Guichet oder iwwer Virement op d’IBAN Nummer um Réck vun der Kaart. Do kennt awer schon den gréissten Nodeel vun der Kaart. Et ass keen Numm drop. Also wien dréit een beim Virement ënnert “Nom du bénéficaire” an? De Numm vum Besëtzer? Also an mengem Fall mäin eegenen Numm. Nuje kann jo net vill schif goen. Also e puer Euro als Test iwwerweisen an d’Daumen drécken.

Mee wéi gëtt een lo gewuer op d’Suen ukomm sinn? Et pilgert een bei e Bancomat, an mat Hëllef vum Pin den en bei der Kaart dobäi krut loggt een sech do an wéi mat enger normaler Kaart. Sou d’Theorie. An der Praxis kritt een zweemol gesot de Pin wier falsch, obwuel een sech sécher ass de richtegen aginn ze hunn. Eng drëtt Kéier hunn ech léiwer net probéiert, an sinn mol an de Guichet gaang. Do konnten se mer dann zwar net soen firwat de Bancomat gestreikt huet, mä awer ëmmerhin gouf ech gewuer dass d’Suen ukomm sinn ( Minus 1 € Fraisen).

Juchu et steet näischt am Wee fir den éischten Online Akaf. Näischt ausser de feelenden Numm vum Besëtzer, well den gëtt een nieft der Kaarten-Nummer an dem Oflaf-Datum vun der Kaart och nach gefrot.
Alt erëm mol einfach den eegenen Numm ginn an d’Daumen drécken, a kuck do no puer Deeg kënnt d’Tatsächlech dat bestalltend per Post.

Lo hunn ech just nach de Problem mat der Iwwersicht iwwert de Kontostand.

Dofir ass dat nächst wat ech mer lo uschafen ass wuel een CCP Connect, also den Online-Banking vun der Post, well doriwwer kann een angeblech (ech gleewen näischt méi ier ech et iwwerpréift hunn) de Kontostand OCH vun der Prepaid Kaart kucken.

Affaire a suivre.

Kuck och: Eis Post & Userfrëndlechkeet

An der Statusleescht gëtt et ee Counter deen d’Unzuel vun den nach verbliwwene Kaarten zielt:

Dëse Counter heescht “Kaarte lénks”. Ech hu mech eng Zäit laang gefrot firwat deen sou heescht. D’Spill u sech huet jo 1 Spillfeld an 2 Kéip, do géif et halbwegs Sënn maachen d’Kaarten um lénkse Koup ze zielen. Mee iergendwéi huet dat mech net sou richteg iwwerzeegt.

Bis ech mer lo iwwerluecht hunn wéi se dann op déi Iwwersetzung komm sinn.

“Kaarte lénks” –> “Cards left”? … hm jo da mécht Sënn … woubäi ‘left’ am engleschen zwou verschidden Bedeitungen huet … leider hunn se bei der Iwwersetzung déi falsch erwescht …

Wien ka mer soen wéi de Counter richteg iwwersat misst ginn?

Kuckt och den éischten an zweeten Deel vun ‘Windows Vista op lëtzebuergesch’.

Wéi lo virun kuerzem déi Prepaid Visaskaart vun der Post rauskoum, hunn ech mech entscheet mer der eng ze huelen.

Leider erlaabt mäin Stage mer am Moment net den Dag iwwer op een Post Büro ze rennen. Mee zum Gléck huet d’Post jo een Internet Site wou een Informatiounen zu allem fënnt wat mat Post ze dinn huet. … Duecht ech op alle Fall, bis … jo bis ech wollt een Post Büro fannen a menger Ëmgéigend.

Eng “Sich-Funktioun” hat ech zwar schnell fonnt, mee schnell hunn ech gemierkt dass ech do net kann mäin Duerf auswielen an dann eng Auswiel vun Büroen am Ëmkrees gewisen kréien (Wat ech mer eigentlech erhofft hat). No dem ech lo déi ganz Lëscht hunn dierfen duerchsichen hunn ech gemierkt dass leider keen Büro méi laang wéi 17:15 Auer op huet.

Lo dierf ech bis op d’Cloche d’Or pilgeren fir nach no 17 Auer een oppenen Guichet ze fannen, woubäi ech mol net weess op se am der Téléboutique déi Kaarten och verklappen.

Ech hunn de Kéis …

Sënngeméis huet do een gesot:

“Léif Leit beim Radio, maacht emol eng Kéier är An zou – wat gesitt dir? Schwaarz!”

Dat ganzt sollt eng Iwwerleedung zur Finanzkris sinn. Wat ech beängschtegend fannen ass d’Tatsaach dass ëm déi Auerzäit hallef Lëtzebuerg am Auto setzt.  Maacht do mol eng Kéier kuerz d’An zou, matten am Beruffstrafik …

Ech gesinn schwaarz fir der DP hir potentiell Wieler

An iergend wéi huet et mech och guer net gewonnert dass et haut nach méi Problemer am Trafik goufen wéi soss