Lëtzebuerg an der Informatik a villes méi
Well ech an der Läscht zimlech aktiv um Internet sinn, an een do mol heiansdo eppes fënnt wat een gären hätt, wat awer leider net gratis ass, iwwerleeën ech mer lo schon puer Méint op ech mer soll eng Visaskaart uschafen.
Wéi lo virun kuerzem déi Prepaid Visaskaart vun der Post rauskoum, hunn ech mech entscheet mer der eng ze huelen.
‘Eis Post & Userfrëndlechkeet’ weider liesen
Dëse Bäitrag ass net méi aktuell, wann der iech fir d’K2 Iwwersetzung interesséiert, da kuckt w.e.g. de Bäitrag: Offiziell unerkannt Iwwersetzung vum WordPress K2/
Nodeem ech virun puer Deeg mäin K2 Theme op Lëtzebuergesch ëmgestallt hat, wëll ech interesséierten Leit d’Méiglechkeet ginn dës Sproochenastellung selwer ze benotzen.
Sou wäit ech gesinn hunn dierfen keng Feeler méi an der Iwwersetzung sinn. Falls awer wäert ech se natierlech verbesseren, an et och op dëser Plaz matdeelen.
D’*.mo Datei fënnt een an den Downloads.
‘K2 op Lëtzebuergesch Download’ weider liesen
No deem ech lo eng Zäit den Kubrick Theme benotzt hat, an mech mat Hëllef vun dem an d’Bloggen ageschafft hunn, hat ech mer d’Méi gemaach en op lëtzebuergesch ze iwwersetzten.
Well mer den Kubrick awer un sech net gefall huet hunn ech elo säin Nofolger, den K2 iwwersat.
‘WordPress K2 op Lëtzebuergesch’ weider liesen
No deem ech lo säit e puer Wochen den Vista op lëtzebuergesch hunn, sinn mer nach e puer Saachen opgefall.
Ënner anerem eng weider onglécklech Iwwersetzung:
Style Sheet op Stil Blat ze iwwersetzen kann een jo nach gëlle loossen, mee “Cascading” als Waasserfall? Cascade wier een Waasserfall…
Anscheinend huet d’Lëtzebuerger Uni elo ee Kontrakt mat der Stad an mat Esch ofgeschloss, wouno all Besëtzer vun engem “eduroam” Login kann gratis op d’Hot City Netzwierk zougräifen.
Zur Erënnerung:
Am Laf vun der Upassung vun mengem Blog hunn ech no enger Méiglechkeet gesicht fir den Datum den bei all Post ugewisen gëtt kennen op lëtzebuergesch un ze weisen. An de Plugins hunn ech dat wat ech sichen fonnt, just leider fir hollännesch.
Ech hunn mir de Plugin lo mol einfach ëmgeschriwwen an wat dobäi eraus kommen ass fann der hei.
‘Lëtzebuergeschen Datum am WordPress’ weider liesen
Virun engem Joer hunn ech ugefaang mech mam Spellchecker ze amuséieren.
Eng vun den éischten Ideeën déi mir do an de Kapp komm ass, war een Anime ( japaneschen Zeechentrickfilm) op lëtzebuergesch ze ënnertitelen.
httpvp://www.youtube.com/view_play_list?p=D8EA832C39D78198
‘Anime op Lëtzebuergesch’ weider liesen
Ech hunn mer geduecht wéi kann een am beschten d’Fähegkeeten(Fir- an Nodeeler) vun engem Service testen.
Ech sin zum Schluss komm, dass dat am beschten geet an deems een zwee ähnlech Servicen géint en een untrieden léist.
Op der enger Säit ass dëst den Spellchecker den elo nei fir Windows Office erauskomm ass.
Op der anerer Säit d’Online Versioun vum Spellchecker.lu ( online well ech keen OpenOffice hunn, an also d’Eifeler Regel net keint testen).
‘Den neien Windows spellchecker géint den spellchecker.lu’ weider liesen
Wéi ech haut gewuer gouf dass Windows eng lëtzebuergesch Versioun vum Vista rausbréngt, hunn ech mer déi mol direkt besuergt.
Meng éischt Andréck well ech iech hei mat deelen:
Als éischt sinn ech am Spiller Dossier hänken bliwwen.
Wierklech falsch ass hei nach näischt, ausser dass ech verschidden Iwwersetzungen zimlech onglécklech fannen
Ok. Eppes besseres wéi Spanne Patience wier mir och net agefall, mee Minnewäscher ???
Éierlech. “Minne sichen” oder Minnen entschäerfen” hätt dach 100 mol besser geklongen.
An wat een sech ënner FräiFeld soll virstelle … ?
‘Windows Vista op lëtzebuergesch’ weider liesen
No deem ech op Youtube folgenden Video vum Matt fonnt hunn:
huet et eng länger Zäit a mir gebrodelt. Lescht Fréijoer hunn ech mer dunn eng Kamera kaf, mam Virsaz ënner anerem eng lëtzebuergesch Versioun vum Matt sengem Video ze maachen. Leider hat ech esouvill aner Saachen am Kapp, dass näischt do raus ginn ass.
Fir dëse Summer hunn ech mer lo awer virgeholl et duerch ze zéien. Ech fueren op all méiglech Platzen an eisem schéine Ländchen an zappelen do Mattlike virun der Kamera. Am Moment sinn ech am Gaang eng Lëscht vun interessanten Platzen op ze stellen, déi an sou engem Video onbedéngt mussen dra sinn.
‘Wou der Däiwel wäert den Dri sinn’ weider liesen
Rezent Kommentaren