Mat dësem Bäitrag wëll ech d’Aktioun vu spellchecker.lu ënnerstëtzen, déi drop ausgeluecht ass fir alle Firefox Benotzer de Korrektur-Plugin un d’Häerz ze leeën.

Falls och dir dës Aktioun ënnerstëtze wëllt, kënnt dir dat mat dësem Code:

<a href="http://spellchecker.lu/wp-content/plugins/wp-adserve/adclick.php?id=3" target="_blank"><img alt="" src="http://spellchecker.lu/wp-content/uploads/banner_facebook468x60.png" width="468" height="60" /></a>

Fir de Banner als Signatur an engem Forum ze huelen, kënnt dir eventuell (hänkt vun den Astellungen vum Forum of) dat folgend benotzen:

[URL=http://spellchecker.lu/wp-content/plugins/wp-adserve/adclick.php?id=3][IMG]http://spellchecker.lu/wp-content/uploads/banner_facebook468x60.png[/IMG][/URL]

Kuckt och: De Blog Bäitrag op spellchecker.lu

De Skript deen der duerch einfacht uklicken ausféiere kënnt, mécht vu sech aus déi am éischte Bäitrag iwwer d’Orthographiekorrektur am Mac OS X ugi Schrëtter.

Fir d’éischt luet der iech ZIP-Fichier mam Skript erof. Dann entzippt der en wou ëmmer dir en wëllt späicheren. Wann der elo drop klickt gëtt automatesch den Automator opgeruff an dee geet de .dic an .aff Fichier op de spellchecker.lu Server sichen an späichert en am Spelling Dossier.

Ech hu bis elo nach net eraus fonnt wéi een dem Mac ka bäibréngen dass en zu bestëmmten Zäitpunkten automatesch dës Aktioun ausféieren. Wann ee mer do ka weider hëllefen, ech freeë mech iwwer all Hiwäis.

Et ass awer méiglech sech am iCal (dem Mac Kalenner) eng repetitiv Notiz ze maachen, wou een all sou-a-sou vill Deeg drun erënnert gëtt dass en soll Updaten. Dëst awer onofhängeg dovun op et an Zwëschenzäit eng nei Versioun vum Spellchecker gouf.

Den iCal huet souguer d’Méiglechkeet een Link op de Skript unzeweisen, dass een direkt aus dem Kalenner raus kann de Skript opruffen.
Méi einfach geet et jo net

Wéi sou en iCal Astellung kéint aus gesinn, gesitt der hei:

Wann ech (oder soss een) sollt erausfanne wéi een den Update wierklech automatesch maache kann, wäert ech dat hei ukënnegen.

Kuck och den éischte Bäitrag iwwer d’Orthographiekorrektur am Mac OS X
De ZIP-Fichier mam Skript

Fir déi Technik-Interesséiert: Et gëtt vun allen ‘Cocoa‘-Applikatiounen ënnerstëtzt.
Eng ähnlech System-wäit Orthographiekorrektur gëtt et schon fir d’Linux Distributiounen Ubuntu an Debian. Hei besteet am Géigesaz zur Mac-Versioun awer eng automatesch Update-Méiglechkeet.

Ech wëll iech direkt drop hiweisen dass et bis op weideres nach keen automateschen Update heifir gëtt, also bis op weideres no all Update vum spellchecker een Deel vun de Schrëtt nach eng Kéier musse gemaach ginn Ech hunn ee Skript geschriwwen den d’MAC Automator Applikatioun oprifft. Dëse Skript ersetz déi zwee folgend Schrëtt. Den 3. Schrëtt ass souwisou optional. Weider Instruktiounen zum Skript fann der um nächste Bäitrag. Dës Updates gi meeschtens op Facebook Säit an um Twitter ugekënnegt

Fir elo Lëtzebuergesches Korrektur am Mac OS X un d’goen ze kréien, muss der folgend Schrëtt maachen:

1. Dir gitt op http://downloads.spellchecker.lu/source/, liest iech eng Kéier d’Lizenz Bedingungen duerch

   

   a luet iech do déi zwee Fichieren ‘lb_LU.aff‘ a ‘lb-LU.dic‘ op äre Mac OS X.

2. Déi zwee Fichieren zitt der elo an den Dossier Library/Spelling an äre Benotzer Beräich:

   

3. Elo gitt der an d’System Preferenzen, op ‘Language & Text’, do misst der elo am ‘Text’ Tab ënner ‘Spelling’ “Luxembourgish (Library)” fannen.

   

   Mac OS X erkennt normalerweis automatesch wéi eng Sprooch een tippt (pro neiem Abschnëtt, nodeems een e puer Wieder getippt huet). Dëst sou laang een ‘Automatic Language’ ausgewielt huet. sou wäit ech et elo getest hunn ass dëst fir Lëtzebuergesch net de Fall. Dir muss also entweder global an dësem Menü Lëtzebuergesch auswielen, oder jeeweils an all Programm. Wéi dir dat maacht ass iech iwwerlooss, an hänkt dovun of op der vill verschidde Sprooche schreift, oder haaptsächlech eng eenzeg.

Kuck och de nächste Bäitrag

Klenge mee net onwichtegen Zousaz:
Dat hei schéngt nëmmen mam Mac OS X ze goen, an net mat fireschten Versiounen.
D’Eifler Regel (d’Wechfale vum ‘n’ viru bestëmmte Buschtawen) gëtt vum Dictionnaire net verbessert. Heifir muss der weiderhin den Online-Checker oder OpenOffice benotzen.

Dëst huet puer Virdeeler fir Firefox Benotzer:

• Mozilla iwwerpréift all Add-on deen op hirem Site gehost gëtt; also sidd der Sécher dass keen schiedlechen Code an mengen Add-onen verstoppt ass.
• Kritt der (falls et eng Kéier de Fall wier) automatesch een Update vum Add-on.

D’Funktionalitéit vun den Add-onen ass déi selwecht wéi am viregten Blog-Bäitrag beschriwwen.

Dir fannt déi zwee Add-onen um Mozilla Add-ons Site:
Spellchecker.lu Sich
Thesaurus.lu Sich

Wann ech an Zukunft nach aner Add-onen fir Mozilla Programmer sollt schreiwen, da fann der déi op mengem Mozilla Add-ons Account

Fir weider Informatiounen iwwert d’Funktiounsweis vun dësen Add-onen, kuckt d’Beschreiwung op um Mozilla Site, mäin viregten Bäitrag oder de Bäitrag op Spellchecker.lu

Et gëtt en direkt op d’Spellchecker.lu Säit geleet, wou d’Wuert schon ausgefëllt ass, an een och direkt ugewise kritt op et richteg ass.

An engems hunn ech dann nach een ähnlechen Add-on geschriwwen deen no Synonyme sicht. Dëst iwwert déi eventuell net sou bekannten Ënnersäit Thesaurus.lu vum ‘Spellchecker.lu

Fir dës Add-one kënnen ze benotze muss dir op Spellchecker.lu laanscht surfen, an do dat folgend maachen:

Follegt w.e.g. der fir äre Browser ugi Prozedur.

Mozilla Firefox
Internet Explorer
Opera
Google Chrome
Apple Safari

——————————————————————————–

De Mozilla Firefox signaliséiert duerch eng méi donkel Fuerf vum Feil nieft dem Ikon vun der aktueller Sich-Maschinn dass en eng nei Sich-Maschinn fonnt huet muss een op de Feil no ënnen nieft dem Ikon vun der aktueller Sich-Maschinn klicken.
Do missten dann d’Menüpunkten ‘Add “Spellchecker.lu”‘ an ‘Add “Thesaurus.lu”‘ ze gesi sinn.

Wann een do drop klickt gi se automatesch installéiert an och direkt als aktuell Sich-Maschinn gesat

——————————————————————————–

Den Internet Explorer signaliséiert déi nei Sich-Maschinn duerch d’Ännere vun der Fuerf vum Feil. Och hei klickt een op de Feil.

Do missten dann am Menüpunkt ‘Add Search Provider’ “Spellchecker.lu” an “Thesaurus.lu” ze gesi sinn.
Wann een do drop klickt gëtt en nach eng Kéier an engem Popup gefrot op en d’Sich-Maschinn wierklech wëll dobäi sëtzen, an et kann een se un Hand vun enger Checkbox direkt als standard Sich-Maschinn definéieren

——————————————————————————–

Fir Opera gëtt et folgend manuell Méiglechkeet:

Dir gitt an de Menü op: Tools -> Preferences -> [Search] (Add)
(An Tools-> Preferences kënnt een duerch d’Taste-Kombinatioun Ctrl+F12)

Fir de Spellchecker:

Name: Spellchecker.lu
Keyword: s (z.B.)

Hei muss een deemno wéi op “Details &t;>” klicken fir déi folgend Zeil ugewisen ze kréien.

Address: http://spellchecker.lu/?source=browsersearch&cw_word=%s

Use POST: net uklicken

Déi zwou aner Checkboxen no Beléifen un oder aus klicken

Fir den Thesaurus:

Name: Thesaurus.lu
Keyword: t (z.B.)

Hei muss en deemno wéi op “Details >>” klicken fir déi folgend Zeil ugewisen ze kréien.

Address: http://spellchecker.lu/thesaurus/?source=browsersearch&keyword=%s

Use POST: net uklicken

Déi zwou aner Checkboxen no Beléifen un oder aus klicken

——————————————————————————–

Am Google Chrome kann een d’Sich-Maschinn vun der Adress-leescht änneren. Leider huet een hei keng einfach Méiglechkeet tëscht den eenzelne Sich-Maschinnen ëm ze switchen:

Dir gitt an de Menü op: Tools (De Schrauweschlëssel riets uewen) -> Options -> [Basics]

Bei ‘Default search:’ op (Manage) an dono op (Add…) klicken

Heihin kënnt een och direkt duerch Rietsklick an d’Adress-leescht -> Edit search engines…

Fir de Spellchecker:

Name: Spellchecker.lu
Keyword: spellchecker.lu spellchecker
Address: http://spellchecker.lu/?source=browsersearch&cw_word=%s

Fir den Thesaurus:

Name: Thesaurus.lu
Keyword: spellchecker.lu thesaurus
Address: http://spellchecker.lu/thesaurus/?source=browsersearch&keyword=%s

Dann muss een d’agedroen Sich-Maschinn nach uwielen an mat (Make Default) aktivéieren.

——————————————————————————–

Fir Apple Safari gëtt et d’Méiglechkeet iwwert verschidden Add-onen nei Sich-Maschinne bäi ze setzen. Well et hei verschidden Add-one ginn iwwerloossen ech iech selwer raus ze fanne wéi dat geet. D’Adress déi dir musst ugi fann der beim Safari resp. Google Chrome Abschnitt.

httpvp://www.youtube.com/view_play_list?p=D8EA832C39D78198

Et sinn sécher vill Schreiffeeler dran, well 1. den Spellchecker de Moment nach net sou performant war, an 2. ech him net ëmmer gefollegt hunn ^^’.

Obwuel ech mer net virstellen kann dass iergend een sech de Video do ganz ukuckt, fir de Fall wou awer een sollt dru Gefalen fonnt hunn, ech hunn nach 3 2 (eng gouf aus Copyright Rechter leider geläscht …) aner Serien (jeeweils nëmmen déi éischt Folleg) ënnertitelt. Dëst sinn Naruto , Dragon Ball an Eyeshield 21.
Ze fannen sinn se op mengem Youtube-Channel

Ech sin zum Schluss komm, dass dat am beschten geet an deems een zwee ähnlech Servicen géint en een untrieden léist.

Op der enger Säit ass dëst den Spellchecker den elo nei fir Windows Office erauskomm ass.

Op der anerer Säit d’Online Versioun vum Spellchecker.lu ( online well ech keen OpenOffice hunn, an also d’Eifeler Regel net keint testen).

Als Test Objekt huelen ech den (normalerweis) schon korrigéierten Text vun der RTL-Dictée vun 2008

Als éischt den Text sou wéi ech en vum RTL Site hunn:

Sport ass kee Spaass

Sechsanzwanzeg Stonnen ouni Ënnerbriechung am Suedel, et ass scho bal animalesch, wat eise Vëlosathlet haut erëm opzeweisen huet.

Schonn am éischte Bierg hat de Jängi Pedalo d’Zong esou déif um Giddong (Guidon) hänken, datt den Dokter vum Tour em ambulant e Stéck ewechgeschnidden huet, ier en dermat an d’Speeche komm wier.

Um éischte Ravitaillement, no sechshonnertfënnefanzwanzeg haarden a battere Kilometer, hëlt e(n) sech e frëscht Häerz a spullt et mat engem Liter Ochseblutt, gesponsert vum Metzleschverband, erof.

Do geet de Jängi eréischt richteg lass. Déi éischt Kéier am Buerschenter geschnidden, datt d’Saaft am Stroossegruef zesummeleeft, an déi zweet geschnëppelt, datt d’Fatze vu(n) senge Muskelwueden de Leit ëm d’Ouere fléien.

E struewelt ewéi en Zombi, e raumt onheemlech of. Een Trapp verluere Schof, zwéi läfeg Hënn, e gackeregen Héngerjuck mat dräi Dose frësche Pëlleneeër, eng Spillschoulsklass mat hirer Joffer an de Fändelcher mam « Roude Léiw huel se ! », ginn d’Affer vu senger onbeschreiflecher Performance.

Am leschte gëftege Stouss virun der Arrivée, no aachthonnertdräiavéierzeg Kilometer Géigewand, léisst e(n) seng Coequipieren einfach stoen, reit eng Attack (Attaque) aus der zweeter Rei, rappt e Lach vu fënnefhonnert Meter an de Plottong (Peloton), schéisst ewéi eng gepimpte Rakéit aus dem Schiet vun der Ambulanz eraus, a péilt seng ausgepowert Konkurrenten onbarmhäerzeg un de Macadam.

Ausgebrannt ewéi en huele Päifekapp schleeft e(n) sech iwwer(t) de wäisse Stréch, fiert aus der sonneverbrannter Haut, hëlt seng zerschannte Been an de Grapp, a krécht um Bauch an d’Duschen.

Respekt virun der Leeschtung vum Iwwermënsch, awer och virun den Affer, déi säi bluddege Wee op de Podium och haut erëm virgezeechent hunn.

Den Text stamt aus der Fieder vum Jemp Schuster.

De Windows Office Spellchecker meckert bei folgenden Wierder:

• Wuert aus dem Text –> Ugebueden Verbesserung ( wann méi wéi eng, déi logeschst)

• Ënnerbriechung –> Ennerbriechung
• Vëlosathlet –> Vëlo Athlet
• Jängi –> Jangi
• d’Zong –> d’ Zong
• Giddong –> Guidon
• ewechgeschnidden –> ewech geschnidden
• d’Speeche –> keng Virschléi
• Ravitaillement –> keng Virschléi
• sechshonnertfënnefanzwanzeg–> sechs honnertfënnefanzwanzeg
• Ochseblutt –> Ochse Blutt
• Metzleschverband –> keng Virschléi
• d’Saaft –> d’ Saaft
• d’Fatze –> d’ Fatze
• Muskelwueden –> Muskel Wueden
• d’Ouere –> d’ Ouere
• Zombi –> Zamba
• läfeg –> leefeg
• gackeregen –> lackelegen
• Pëlleneeër –> Pëllen Eeër
• d’Affer –> d’ Affer
• aachthonnertdräiavéierzeg –> aacht honnertdräiavéierzeg
• Géigewand –> Géi gewand
• Coequipieren –> Calquéieren
• Attaque –> Matraque
• fënnefhonnert –> Fënnefhonnert
• Plottong –> Ploton
• gepimpte –> geimpfte
• péilt –> peilt
• ausgepowert –> ausgefouert
• onbarmhäerzeg –> onbaarmhärzeg onbaarmhäerzeg (klengen Tippfeeler)
• sonneverbrannter –> Sonne verbrannter
• zerschannte –> zerschante
• krécht –> kraucht
• d’Duschen –> d’ Duschen

Den Spellchecker.lu meckert bei folgenden Wierder:

• Wuert aus dem Text –> Ugebueden Verbesserung ( wann méi wéi eng, déi logeschst)

• Vëlosathlet –> Vëlosartist
• Jängi –> Jangi
• Pedalo –>Pedall
• Giddong –>Guidon
• em –>ëm
• dermat –>Demokrat
• Speeche –>Speechel
• Ochseblutt –>Ochseréck
• gesponsort –>gesprënselt
• Metzleschverband –>Metzleschrayon
• Buerschenter –> Buurschenter
• Saaft –>Schaaft
• Stroossegruef –>Stroossekrees
• Muskelwueden –>Muskelen
• Zombi –>Kombi
• Trapp –>Trupp
• zwéi –>wéi
• läfeg –>leefeg
• gackeregen –>gackeren
• Héngerjuck –>Héngerstall
• Pëlleneeër –>Pëlleverkeefer
• aachthonnertdräiavéierzeg –>Dausendvéierhonnertvéierzeg
• Géigewand –>Géigewaart
• Coéquipieren –>Equipieren
• Plottong –>Plaffong
• Peloton –>Paltong
• gepimpte –>gepipte
• péilt –>päilt
• ausgepowert –>ausgepompelt
• onbarmhäerzeg –>onbaarmhäerzeg
• Macadam –>Macadamswee
• Päifekapp –>Päifenuergel
• sonneverbrannter –>verbrannter
• zerschannte –>zerschauter
• krécht –>kréicht
• Podium –>Podiumsdësch

Resumé:
Den Windows Spellchecker huet 34 an den Spellchecker.lu huet 36 Feeler fonnt.
De Windows huet bei all “d’” gemeckert, eng Kannerkrankheet déi den Spellchecker.lu och eng Zäit hat.
De Windows Spellchecker mecker bei verschiddene Wierder, och wann e keen Virschlag zu Verfügung huet.
De Spellchecker.lu huet oft Problemer bei zesummegesatene Wierder.

Fazit: Den Windows Spellchecker huet manner richteg Wierder als falsch erkannt. Et muss een awer fir an säin Genoss ze kommen den Windows Office benotzen, den net bëlleg ass. Den Spellchecker.lu huet zwar méi Wierder als falsch erkannt, mee do géint ass hien gratis an léisst sech net nëmmen am OpenOffice, mee och an aneren Opensource Software benotzen. Well een souwisou all Spellchecker soll mat Virsiicht genéisen, ass den Spellchecker.lu weiderhin meng éischt Wiel. Dëst firun allem well ech 95% vun der Zäit wou ech lëtzebuergesch schreiwen dëst souwisou am Firefox oder Thunderbird maachen, an keng Loscht hunn mäin Text an de Word ze Kopéieren fir e verbessert ze kréien.